谢西讚周杰伦劲Nice够谦虚香港娱乐八卦Hop

魔术盗宝片《非常盗2》(Now You See Me 2)男星谢西艾辛堡(Jesse Eisenberg)受访时提及同片拍档周杰伦,他表示知道对方是亚洲巨星,但对方甚谦虚,完全没有架子!

谢西讚周杰伦劲Nice够谦虚香港娱乐八卦Hop谢西坦言花了几星期狂练魔术。

谢西早前到《非常盗2》取景地点澳门宣传,访问中被问到与加盟剧组的周杰伦合作如何?谢西大讚对方全无架子:「我大概知道佢喺亚洲嘅名气,但作为美国人,我对佢唔係咁熟悉,我都知佢係摇滚明星,但相处时唔会觉,因为佢好谦逊同好好人。佢做魔术店入面嘅一个角色,表现好好。」

丹尼尔有喜剧感

《哈利波特》(Harry Potter)系列男星丹尼尔烈格夫(Daniel Radcliff)同样是续集新脸孔,谢西大讚对方有喜剧细胞:「丹尼尔係好演员,呢个角色好适合佢。我哋锺意即兴夹对白,佢好配合到大队,好有喜剧感。」上集女主角Isla Fisher今集换成Lizzy Caplan,有感到可惜吗?谢西坦言:「Isla係好朋友,个人层面上佢拍唔到我觉得好可惜,但佢係因为大肚所以辞演,係一个好美好嘅理由。而Lizzy喺今集入面好好笑,虽然换咗女主角但一样咁好睇。」

谢西讚周杰伦劲Nice够谦虚香港娱乐八卦Hop今集换上新女主角Lizzy Caplan,并在澳门的赌场开工。谢西讚周杰伦劲Nice够谦虚香港娱乐八卦Hop《非常盗2》拉大队到澳门拍摄,导演朱浩伟(左)和活地夏裏逊正在研究剧情。

谢西透露今集剧情在上集几个月后发生,其角色本来与队友进行地下工作,但被富豪绑架,要他们执行一个新任务。电影中人人身怀魔术绝技,谢西亦配合角色训练:「今集我花咗几星期练一个用手机玩嘅魔术,不过睇戏时唔会特别显眼,因为最抢镜始终唔係小手段,而係大场面。」谢西指今集与上集一样充满娱乐性,有动作场面但不暴力,注重机智与团体合作,情节建基于现实中的魔术,不是天马行空。

10年前去过澳门

谢西原来并非首次踏足中国,他表示10年前到过澳门:「我10年前嚟过,感觉好唔同,我唔记得当时有咁多赌场。我嗰时喺亚洲旅行,由北京去到西藏、尼泊尔等等,因为好奇我亦有到澳门。澳门係前葡萄牙殖民地,受到外来文化影响,係好有趣,无论地理同面貌都好独特。」

被问到未来想演甚幺角色,谢西表示:「直至收到剧本前,我都唔会知想做咩角色。我以前成日接到好多『紧张型』角色,但我想试吓唔同嘢,所以先拍呢个有啲自私又骄傲嘅魔术师角色。」他笑言角色与《蝙蝠侠对超人:正义曙光》(Batman v Superman:Dawn of Justice)中的奸角完全不同:「我喺嗰套片係个邪恶癫佬,呢部只係玩魔术,冇话要杀人啰。」

文:外娱组

此资讯来源于东方日报娱乐新闻。